Амерыканская скандалістка Ліндсі Лохан, якая знаходзіцца пад хатнім арыштам у Лос-Анджэлесе, прыняла ўдзел у здымках рэкламнага роліка прама ў сябе дома.
Рэкламу інтэрнэт-аўкцыёну beezid.com здымалі на выходных. Па сюжэце роліка Лохан, якая сумуе дома, кажа, што выпадкова натрапіла на дзіўны сайт, і раіць усім зазірнуць і туды.
Па паведамленнях амерыканскіх СМІ, партал абяцаў актрысе $25 тысяч за ўдзел у здымках, але зорку гэтыя грошы не задаволілі. Колькі ў выніку заплацілі знакамітасці, не ўдакладняецца. Вядома толькі, што акрамя ганарару актрысе падарылі 10 тысяч долараў для пакупкі рэчаў на аўкцыёне.
Нагадаем, Ліндсі Лохан трапіла ў турму па абвінавачванні ў крадзяжы караляў. Першапачаткова актрысу прысудзілі да 120 сутак арышту і 480 гадзін грамадскіх работ. Аднак у дзяржустанове злачынцы не знайшлося месца, і дзяўчыну з-за нязначнага злачынства адправілі адбываць пакаранне дадому.