Калі вы не разумееце, чым карысны «Чорны квадрат» Малевіча ці чаму людзі плацяць мільёны за слоік з ежай, намаляваны Уорхалам, вам варта прачытаць гэтую кнігу.
Па-першае, заўсёды можна паказаць сваю эрудыцыю, бо аўтар дае шмат звестак з гісторыі жывапісу і скульптуры. Па-другое, вы будзеце больш памяркоўныя да тых, хто стварае сучаснае мастацтва, бо Уіл Гомперц піша пра яго з вельмі заразлівай сімпатыяй. І па-трэцяе, не выключана, што вы самі пачнеце адкладаць мільёны на Малевіча ці Уорхала. Дзеля чаго? Каб гэта зразумець, трэба прачытаць кнігу. Ну а калі вы ўжо фанат сучаснага мастацтва, то і тлумачыць нічога не трэба. Дастаткова сказаць, што аўтар кнігі ўваходзіць у спіс «50 самых творчых людзей свету» (па версіі часопіса Creativity) і шмат гадоў працаваў у кіраўніцтве галерэі Tate.
Сіндбад, 464 с.